سؤال ( الحق ما تلحق )

عندي اسئلة كتير جوه الكلية دي وبراها مش لاقيلها إجابة ياريت تساعدوني Razz

*يعني مثلا في المنتدى بتاع دفعتنا تلاقي مكتوب (الحق ما تلحق )
قال يعني كده هدخل بسرعة
بحس ان التوبيك هينفجر
الحق لا ما تلحق
ياض الحق
ده اسمه ايه ده؟؟

*واحد في حفلة تامر قعد يقول (روح يا تامر...روح يا تامر)
قال يعني كده هيركب الفزبة بتاعته وينفخ ع القاهرة
ليه؟ ليه يا جماعة؟

*واحد في وسط محاضرة الاحصا قال باعلى صوت
(am a survivoooooor )
على أساس ان بقية الدفعة غرقت يعني؟ ولا ايه؟؟

*عيال بعد محاضرة الكيميا انهاردة قعدوا يضربوا بعض بالشلاليت ويقولوا لبعض (هقطعلك الرباط الصليبي)
هو رباط جزمة يعني؟؟
هو في ايه؟؟؟!!

*دكتور من الدكاترة اللي عندنا بعد ساعتين كلام بنقوله خلاص تعبنا يا دكتور قام قايل (بس أنا متعبتش ) وقام مكمل
يعني هو انت بتشرح لنفسك يعني؟!!!
لازم اللي بتشرحله يكون متعبش
انت راجل صحة نعملك احنا ايه؟!!!!

*دكتور تاني يقولك المحاضرة دي أهم محاضرة على مدار السنة وعليها 17 درجة "وانتو حرين"
أنا شايف ان ال 17 درجة دول هيبقوا على سؤال واحد
(ايه اهم محاضرة فيهم؟)

*حاجة تانية بقى نمتحن العملي وقشطة وننساه خالص وبعدين بعده بشهرين يقولك
في شيت على نظري العملي
تقوله (بس يا دكتور..........)
يقولك ده شييييييييييت
شيييييييييييييت
تخاف تتناقش تاني ليقولها مرة تالتة وتطير

* عيال في محاضرة اللغة كاتبين في الغياب "تامر محمد حسني"
و "عمرو السيد دياب"
هو أنا بقولك خد غياب سوبر ستار العرب؟؟!!!!

مبقتش عارف بجد الطلبة اللي مجانين
ولا الدكاترة ولا ايه

بس عموما كلنا غزة

مقدرش اقول حاجه الا اني اضحك ههههههههههههههههههههه
بجد جامد الموضوع ده